Amárach, san Acadamh Ríoga san Ardchathair, seasca bliain tar éis bhás an scéalaí cháiliúil Peig Sayers, déanfar a hoidhreacht mar bhanscéalaí a phlé i gcomhthéacs scéalaíocht thraidisiúnta na mban i gcoitinne.
Beidh taispeántas a bheidh dírithe ar bhanscéalaithe agus ar an bpróiseas bailithe féin mar chuid den chomhdháil, a chríochnóidh le seisiún scéalaíochta leis an scéalaí iomráiteach Eithne Ní Ghallchobhair.
I measc na bpáipéar a thabharfar ann, beidh:
Eilís Ní Dhuibhne (scríbhneoir agus béaloideasóir): ‘Peig, Mícheál agus Bo’
Pádraig Ó Héalaí (Ollscoil na hÉireann, Gaillimh): ‘Peig agus Leigheas na Muintire’
Máiréad Ní Loingsigh (Coláiste na hOllscoile, Corcaigh): 'Léiriú na hÓige sa Scéalaíocht: cuntais dírbheathaisnéise Pheig Sayers agus saothar Eibhlín Ní Shúilleabháin'
Lillis Ó Laoire (Ollscoil na hÉireann, Gaillimh): 'Aicme agus Coimhlint sa scéal "Tomáisín Rua agus Mairéad Ní Bhriain" in Machtnamh Seanamhná (1939)'
Ailbhe Nic Giolla Chomhaill (Ollscoil Luimnigh): 'Comhaoiseach Conallach Pheig: spléachadh ar scéalta béaloidis Shorcha Chonaill Uí Ghrianna as Rann na Feirste, Co. Thír Chonaill'
Tá gach eolas faoi ócáid anseo
