Scríobhann Muireann Nic Amhlaoibh, amhránaí, ceoltóir agus láithreoir faoina ról nua mar láithreoir raidió ar chlár ceoil, Malairt Port le Muireann ar RTÉ Raidió na Gaeltachta a thosóidh Dé Sathairn, 13 Deireadh Fómhair ag 7 i.n.

Ba chúis mhór áthais dom nuair a thug Dara Ó Chinnéide, bainisteoir Radio na Gaeltachta i mBaile na nGall, cuireadh dom mo chlár ceoil fhéin a chuir i láthair. Tar éis na blianta a chaitheamh ag éisteacht le RnaG agus ag bualadh isteach go minic le haghaidh agallaimh nó seimint, braitheam ar mo shuaimhneas ann cheana fhéinigh.

Is féidir liom an an aeróg mór a fhesicint óm’ thigh ar thaobh na sléibhe i gCorca Dhuibhne, ní fada an turas é. Tá foireann fhuinniúil, spreagúil ag obair ann agus ní foláir go mbíonn ana chuideachta acu fad is a mbíonn siad i mbun oibre! Táim ag súil go mór a bheith sa studió leo níos minicí.

We need your consent to load this YouTube contentWe use YouTube to manage extra content that can set cookies on your device and collect data about your activity. Please review their details and accept them to load the content.Manage Preferences

Malairt Poirt le Muireann is ainm don gclár agus beidh sé á chraoladh go seachtainiúil ón Satharn an 13ú Deireadh Fomhair óna 7-9in. Is mór an méid é dhá uair a chloig a líonadh le ceol! Toisc an clár a bheith á chraoladh roimis a 9in níl cead aon liricí Béarla a úsáid, mar sin beidh an líon a scaipeadh agam agus, cé go mbeidh béim ar an gceol Gaelach, beidh ceol ó thíortha eile le clos chomh maith. Ba eispéaras ar leith é dom a bheith ag taisteal ar fuaid an domhain mar cheoltóir agus thug sé deis dom aithne a chur ar ghrúpaí agus chultúrthaí eile, idir cheol na Briotáine agus amhránaíocht na Bulgáire!

Amach anso tá sé ar intinn agam seisiúin beo a bheith agam le ceoltóirí agus iad a chur fé agallamh. Is breá liom nuair a mhíníonn daoine a gceird dom, agus is cinnte go meidh spéis ag na héisteoirí ann chomh maith.

Mar sin bígí liom, ar a 7im, an Satharn an 13ú Deireadh Fomhair ar Radio na Gaeltachta do "Malairt Poirt le Muireann"

N.B. Éinne gur dheas leo a gceol a sheoladh go Muireann dá clár, is féidir é a chur go Raidió na Gaeltachta, Baile na nGall, Trá Lí, Co. Chiarraí nó a sheoladh go leictronach go info@muireann.ie