Tá buntáistí agus míbhuntáistí ag baint leis an drochaimsir. Tarlaíonn sé go dtiteann Lá Idirnáisiúnta na Leabhar inniu agus mar sin, tá cúis ceilúrtha againn! Seo cuid de na seoid a thaitníonn go mór linn...
Dúil le Liam Ó Flaithearta
Ní leabhar nua é seo ach is leabhar é nár chaill a chumhacht ariamh.
"Bhí naíonán fireann ag imirt le gligín ar an mbrat urláir, in aice le cathaoir ina raibh a mháthair suite agus í ag léamh leabhair. Chuir sé scairt mheidhreach as féin, gach uile uair a chuala sé an torann binn a tháinig as an deis tar éis a craite. Ansin thit an gligín as a lámha. Tugadh scathamh beag ar siúl é, trasna an urláir,ag sciorradh agus ag iompú.Thit an naíonán ar a bholg nuair a shín sé é féin amach roimhe, le breith ar an rud beag gleoite."
Idir Dhá Thír le Alex Hijmans
Seo an cnuasach is déanaí ó Hijmans,áta ag cur faoi sa Bhrasaíl. Gearrscéalta comhaimseartha iad seo a chíorann ceist an imirce i measc ábhar eile.
Aisling Nó Iníon A le hÉilís Ní Dhuibhne
San úrscéal dúshlánach, ceannródaíoch seo, féachann an scríbhneoir clúiteach, Éilís Ní Dhuibhne, ar ball den Aosdána í, ar dhéagóir a thugann dúshlán dá máthair agus a smaointeoireacht traidisiúnta.
