Inniu, Lá Domhanda don Mheabhairshláinte, labhair Siún le Máire Treasa Ní Cheallaigh, iriseoir, síceolaí spóirt agus múinteoir Pilates faoi na rudaí praiticiúla go bhféadfaimis a dhéanamh le haire níos fearr a thabhairt dúinn féin. 

Cuireann Máire Treasa béim ar am a chur ar leataobh duit féin, ar aclaíocht a aimsiú a thaitníonn leat agus ar am a chaitheamh faoin aer leis an meabharshláinte a chaomhnú. 

Sa saol gnóthach atá againn, deir Máire Treasa go bhfuil luach ar shuaimhneas, 'corruair, teastaíonn ciúnas' agus molann sí suí síos le cupán tae (gan fón!) 

Luann sí an taighde a chruthaíonn go bhfuil sé níos fearr dúinn siúlóid amuigh faoin aer a dhéanamh ná uair a chloig a chaitheamh san ionad spóirt.

I measc na moltaí atá ag Máire Treasa dúinn, tá:

  • Am a dhéanamh duit féin laistigh den sceideal gnóthach atá againn
  • Aclaíocht a aimsiú a thaitníonn leat, mar a rinne sise le Pilates
  • Dul amach faoin aer
  • D'aclaíocht a cheangail isteach leis an am a chaitheann tú le cairde