Tá réimsí de chanóin na Gaeilge atá níos láidre ná a chéile, macasamhail gach canóin eile, is dócha. Nuair a chuimhníonn go leor againn ar sheoid liteartha na teanga, an fhilíocht is túisce a thagann chun cuimhne. Is deas mar sin, go bhfuil éabhlóid tagtha agus ag teacht go fóill is ansa le cuid againn. Deirtear gur ó Mheiriceá sna hochtóidí a tháinig coincheap slam poetry. Tá John Cummins, Emmet Kirwin agus Kate Tempest i mbéál an phobail anseo agus in Sasana agus tá an ghluaiseacht ó bhéal tagtha go saol na Gaeilge freisin. 

Tá béim níos mó ar chaint na ndaoine, labhairt na bhfocal agus teacht i láthair an fhile seachas ar an bhfocal scríofa sa chineál seo filíochta. D'fhéadfaí a rá gur bealach isteach í an fhilíocht seo dóibh siúd nach bhfeiceann spás dóibh féin laistigh den saol liteartha traidisiúnta. Ní gá ach cúpla nóiméad a chaitheamh ar YouTube leis na hardáin atá á gcruthú agus lucht féachana a aimsiú nach mbeadh ann murach é. 

D'aithin Ciara Ní É go raibh éileamh ann d'imeacht rialta dátheangach don fhocal labhartha agus bhunaigh sí Reic, dhá bhliain ó shin. Agus í ag caint ar chlár ealaíona RTÉ Raidió na Gaeltachta, An Cheárta, deir sí 'leis an nGaeilge, bíonn daoine róchúramach' agus gurb é sin cuid den chúis a raibh spéis aici Reic a bhunú.

We need your consent to load this YouTube contentWe use YouTube to manage extra content that can set cookies on your device and collect data about your activity. Please review their details and accept them to load the content.Manage Preferences

Údar foilsithe anois atá in Séamus Barra Ó Súilleabháin a d'fhoilsigh an cnuasach iomráiteach, Beatha Dhónaill Dhuibh anuraidh le Cló Iar-Chonnacht. Ba é a thug leis an phríomhdhuais slam Éirinn 2011/12, sna blianta tosaigh dá shaol mar fhile.

We need your consent to load this YouTube contentWe use YouTube to manage extra content that can set cookies on your device and collect data about your activity. Please review their details and accept them to load the content.Manage Preferences

Físdhán a thugann buaiteoir duais Rooney, Doireann Ní Ghríofa ar a cuid oibre ar líne. Meascann sí meáin agus trasnaítear ó fhilíocht thraidisiúnta go filíocht chomhaimseartha, dá réir.

We need your consent to load this YouTube contentWe use YouTube to manage extra content that can set cookies on your device and collect data about your activity. Please review their details and accept them to load the content.Manage Preferences

Dár ndóigh, tá go leor, leor filí ann ag cloí leis an bhfocal scríofa ach is maith ann an saibhreas in aon chanóin.