Iris Aniar

Iris Aniar

09:15 - 10:15 Luan - Aoine / Mon - Fri

Podchraoltaí

Dé Luain 25 Bealtaine

Tiocfaidh muid thríd

An t-amhrán Tiocfaidh muid thríd, scríofa ag Áine Durkin faoi thráth seo an COVID-19, agus á chanadh ag Caitlín Ní Chualáin, le tionlacan ó Sheán Ó hÉanaigh. Ta an t-amhrán ar fáil anseo saor in aisce, ach d'iarr Áine, dá mba mhaith le daoine éisteacht leis, dá bhféadfaidís cuimhniú ar shíntiús a thabhairt dá rogha carthanachta más féidir.

Iris Aniar - Clár iomlán

Iris Aniar - clár iomlán

Déardaoin 2 Aibreán

Gearóid Ó Murchú - An Spailpín Fánach

Baol go gcaithfear an comhlacht a dhúnadh de bharr gnó na gcoláistí samhraidh a bheith imithe don bhliain seo.

Iris Aniar 2 Aibreán 2020

Clár iomlán

Dé Máirt 24 Márta

Micil Poitín

Labhair Pádraic Ó Griallais linn faoi mar atá drioglann Mhicil Poitín anois ag tosú ag déanamh díghalrán láimhe, nó ‘hand sanitiser’, le cuidiú leis an troid in éadan COVID-19. Beidh an poitín ina bhunábhar don dígalrán.

Iris Aniar 24 Márta 2020

Clár iomlán

Dé Luain 2 Márta

Micheál Ó hIarnáin, Tuairisceoir.

Tá scéim curtha ar fáil do ghasúir ag Tuismitheoirí na Gaeltachta le Katie McGreal, chun an t-aireachas a mhúineadh dóibh ar scoil. Labhair Micheál Ó hIarnáin le Katie faoin aireachas.

Éle Ní Chuinn, Macléinn Teiripe Shaothair.

Scrúdú nua á fhorbairt chun cabhrú le daoine a bhfuil deacrachtaí chuimhne acu agus é maoinithe ag Údarás na Gaeltachta.

Tommy Kelly, Pat Ó Cualáin & Rónán Ó Briain, Bádóirí.

An dara sraith don chlár Bádóirí ag tosú ar TG4 san oíche Déardaoin.

Michael Dunworth, Coiste Comhairleach Phlean Forbartha Iorras Aithneach.

Labhair Michael faoi staid na mbóithre in Iorras Aithneach.

Iris Aniar: Dé Luain 02 Márta 2020.

Michael Dunworth - Staid na mbóithre in Iorras Aithneach:Tommy Kelly, Pat Ó Cualáin & Rónán Ó Briain - An dara sraith don chlár Bádóirí ag tosú ar TG4:Éle Ní Chuinn - Scrúdú nua chun cabhrú le daoine a bhfuil deacrachtaí chuimhne acu: Micheál Ó hIarnáin - Tá scéim curtha ar fáil do ghasúir chun an t-aireachas a mhúineadh dóibh ar scoil.

Déardaoin 20 Feabhra

Mairéad Ní Fhlatharta, Eagraí IronMeáin.

Is féidir clárú dó anois don rása bóthair IronMeáin.

Seán Mac Giontaigh, Scríbhneoir.

As Glais in Iorras tá Seán Mac Giontaigh bainteach le grúpa scríbhneoirí a thaganns le chéile go rialta i mBaile Átha Cliath agus chas ár dtuairisceoir Marcus Mac Conghail leis in Áras Scríbhneoirí Éireann san ardchathair le deirneas.

Sheila Ní Fhlatharta, Léachtóir Eolaíochta in Institiúid Teicneolaíochta na Gaillimhe – Maigh Eo.

Togra taighde de chuid GMIT ag úsáid dróin chun tástáil a dhéanamh ar chaighdeán an uisce i lochanna agus aibhneacha atá iargúlta.

Bernie Ní Fhlatharta, Iriseoir.

Bernie Ní Fhlatharta ag caitheamh súil ar na nuachtáin áitiúla.

Iris Aniar: Déardaoin 20 Feabhra 2020.

Bernie Ní Fhlatharta - Ag caitheamh súil ar na nuachtáin áitiúla:Sheila Ní Fhlatharta - Togra taighde de chuid GMIT ag úsáid dróin chun tástáil a dhéanamh ar chaighdeán uisce:Seán Mac Giontaigh - Scríbhneoir as ceantair Iorrais i Muigh Eo:Mairéad Ní Fhlatharta - IronMeáin.

Dé Céadaoin 19 Feabhra

Gaeil na Gaillimhe, Cumann de chuid CLG.

Thug Marcus Mac Conghail aghaidh ar Ghaillimh le buaileadh le roinnt de na daoine a bhíonns ag imirt do Ghaeil na Gaillimhe, cumann peile lán-Ghaeilge. Labhair sé le Sheila Ní Bheaglaoich, Sarah Ní Chathmhaoil agus Stiofán Seoighe.

Jackie Mac Donncha & Máire Holmes, Filí.

Tá ócáid filíochta ‘We are the Poets’ de chuid Laureate na nÓg, le reáchtáil i nGaillimh ar an 24ú Feabhra. Bhí Jackie agus Máire ar bheirt de na filí a bhí ag obair le 7 bhfile as aon scoil déag.

Micheál Ó hIarnáin, Tuairisceoir.

Labhair Micheál Ó hIarnáin le mic léinn in ollscoil na Gaillimhe faoin ardú cíosa atá údarás na hOllscoile ag cur i bhfeidhm ar lóistín na mac léinn.

Lisa Nic an Bhreithimh, Gluaiseacht na hEorpa in Éirinn.

Beidh ‘Gaillimh i gcroílár na hEorpa – Cómhrá na Saoránach ar thodhchaí na hEorpa’ ar siúl in Ollscoil Éireann Gaillimh Déardaoin.

Iris Aniar: Dé Céadaoin 19 Feabhra 2020.

Lisa Nic an Bhreithimh - Beidh 'Cómhrá na Saoránach ar thodhchaí na hEorpa' ar siúl i nGaillimh Déardaoin: Micheál Ó hIarnáin - Agóid na mac léinn faoi ardú cíosa in OÉG:Jackie Mac Donncha & Máire Holmes - Ócáid filíochta le reáchtáil i nGaillimh ar an 24ú Feabhra:Gaeil na Gaillimhe - An cumann peile lán-Ghaeilge atá i nGaillimh.

Dé Máirt 18 Feabhra

Margaret Ó Riada, Gluaiseacht Lucht Siúil na Gaillimhe.

Beidh an comhlacht ‘Bounce Back Recycling’ ag bailiú tochtanna Dé Sathairn seo chugainn sa gceantar ón gCeathrú Rua chomh fada le Bearna.

Tríona Uí Mhurchú, Príomhoide Choláiste Chroí Mhuire sa Spidéal.

Tá sé deimhnithe go bhfuil cead tugtha ag an Roinn Oideachais do Choláiste Chroí Mhuire sa Spidéal obair mhór a dhéanamh ar an scoil. Labhair Treasa Bhreathnach le príomhoide na scoile faoin a bhfuil beartaithe.

Marcus Mac Conghail, Tuairisceoir.

D'eagraigh Cumann Scléaróis Iolrach na hÉireann cruinniú poiblí i dTigh Pheacock ar an Teach Dóite aréir. Bhí ár dtuairisceoir Marcus Mac Conghail i láthair agus rinne sé cur síos air do Iris Aniar.

Éamon Ó Cuív, Teachta Dála.

Bhí baill d'Fhianna Fáil i mbun cruinnithe aréir i Maigh Cuilinn agus ceist an chomhrialtais á plé go mion acu.

Iris Aniar: Dé Máirt 18 Feabhra 2020.

Éamon Ó Cuív - Baill d'Fhianna Fáil i mbun cruinnithe i Maigh Cuilinn:Marcus Mac Conghail - Cruinniú faoin scléaróis iolrach ar an Teach Dóite:Tríona Uí Mhurchú - Obair mhór le déanamh ar Choláiste Chroí Mhuire:Margaret Ó Riada - ‘Bounce Back Recycling’ ag bailiú tochtanna Dé Sathairn seo chugainn ón gCeathrú Rua chomh fada le Bearna.

Dé Luain 17 Feabhra

Mairéad Ní Chonaola, Léirmheastóir.

Léirmheas ar 'Migrants’ le John Behan i nDánlann Uí Chionnaith agus buaicphointí ar chlár Imbolc Gaillimh 2020.

Marcus Mac Conghail, Tuairisceoir.

Pacáiste ó sheoladh togra Ríonach Ní Néill, Turas Chonamara, mapa digiteach de Chonamara mar chuid de Ghaillimh 2020.

Bernie Ní Fhlatharta, Iriseoir, & an Dr Sinéad Ó Beirn, Dochtúir.

Labhair siad beirt faoi dheacrachtaí codladta - cén chaoi gur féidir deacrachtaí codlata a leigheas agus léirmheas ag Bernie den leabhar ‘The Shapeless Unease – A Year of not Sleeping’ le Samantha Harvey.

Iris Aniar: Dé Luain 17 Feabhra 2020.

Bernie Ní Fhlatharta & an Dr Sinéad Ó Beirn - An bheirt acu ag labhairt faoi dheacrachtaí codladta:Marcus Mac Conghail - Seoladh 'Turas Chonamara', mapa digiteach den Cheathrú Rua:Mairéad Ní Chonaola - Léirmheas ar 'Migrants’ le John Behan i nDánlann Ui Chionnaith.

Déardaoin 13 Feabhra

An tAthair Clement Mac Mánuis, Nóibhéine na Gaillimhe.

Nóibhéine na Gaillimhe ag tosnú Dé Luain seo chugainn.

Micheál Ó hIarnáin, Tuairisceoir.

Tá Seachtain na nGiobail ar siúl an tseachtain seo in Ollscoil na hÉireann Gaillimh agus iarrachtaí ar bun acu imeacht ón mbéim ar an ól agus dul ar ais go dtí bunús na seachtaine - airgead a bhailiú d’eagraíochtaí carthanachta.

Michael McCann, Uachtarán Réigiún an Iarthair de Chumann Naomh Uinseann de Pól.

Tá Cumann Naomh Uinseann de Pól ag foilsiú tuairisc ar maidin ag tabhairt le fios cén na tograí sa gcathair agus sa gcontae a bhain leas as an 10.5 milliún euro a d’fhág an bhean graithe Maureen O’Connell ag an gcarthanacht ina huacht.

Bernie Ní Fhlatharta, Iriseoir.

Chaith Bernie súil ar na nuachtáin áitiúla.

Iris Aniar: Déardaoin 13 Feabhra 2020.

Bernie Ní Fhlatharta - Na nuachtáin áitiúla:Michael McCann - Naomh Uinsean de Pól -10.5 milliún euro a fágadh in Uacht acu: Micheál Ó hIarnáin - Seachtain na nGiobail ar siúl an tseachtain seo in Ollscoil Éireann Gaillimh:An tAthair Clement Mac Mánuis - Nóibhéine na Gaillimhe ag tosnú Dé Luain seo chugainn.

Dé Céadaoin 12 Feabhra

Treasa Bhreathnach, Tuairisceoir.

Cé gur cuireadh an ócáid oscailte ar ceall de bharr na drochaimsire, bhí searmanais oscailte sa gClochán agus sa Spidéal do Ghaillimh 2020 agus shocraigh Treasa Bhreathnach freastal orthu agus labhairt le roinnt de na daoine a bhí i láthair.

Tomás Mac Seáin, Oileán Acla.

Rinne Tomás Mac Seáin cur síos ar a thit amach nuair a chroch cuaifeach gaoithe cuid den díon de scoil náisiúnta Dhumha Acha inné.

Nuala Ní Chonghaile agus Cáit de Bháilís, Tuairisceoirí.

Rinne Nuala Ní Chonghaile agus Cáit de Bháilís anailís agus cur síos ar an méid a thit amach sa toghchán i dtoghcheantar Mhaigh Eo agus i dtoghcheantar na Mí Thiar.

Micheál Ó hIarnáin, Tuairisceoir.

Labhair Micheál Ó hIarnáin le triúr a chaith vóta don chéad uair le fáil amach cén chaoi ar éirigh leo agus an raibh siad sásta a bheith mar chuid den bpróiseas daonlathach.

Iris Aniar: Dé Céadaoin 12 Feabhra 2020.

Micheál Ó hIarnáin - Labhair Micheál le triúr a chaith vóta don chéad uair:Nuala Ní Chonghaile agus Cáit de Bháilís - Toghcheantar Mhaigh Eo agus Toghcheantar na Mí Thiar:Tomás Mac Seáin - Díon a séideadh do scoil in Acaill:Treasa Bhreathnach- Searmanais oscailte sa gClochán agus sa Spidéal do Ghaillimh 2020.

Dé Máirt 11 Feabhra

Iris Aniar: Dé Máirt 11 Feabhra 2020.

Éamon Ó Cuív FF - Teachta Dála nua do Ghaillimh Thiar:Mairéad Farrell SF - Teachta Dála nua do Ghaillimh Thiar:Catherine Connolly - Teachta Dála nua do Ghaillimh Thiar:Cóilín Ó Neachtain -Toghcheantar Gaillimh Thiar.

Dé Luain 3 Feabhra

Seosamh Ó Cualáin, Rúnaí Chumann Aisteoirí an Bhaile Nua.

Aisteoirí an Bhaile Nua ag cur dhá dhráma ar stáitse ar an 7ú agus 8ú Feabhra, ‘An Dochtúir’ agus ‘The Stations’.

Colm de Buitléar, Imreoir agus Tráchtaire Rugbaí.

Na Sé Naisiún tosaithe ar an deireadh seachtaine, fir agus mná agus anailís Choilm ar na cluichí.

Micheál Ó Conghaile, Cló Iar-Chonnacht.

Leathchéad bliain i ndiaidh a bháis tá sraith imeachtaí á eagrú chomh maith le seimineár lae chun athchuairt agus athscrúdú a dhéanamh ar scríbhneoireacht Uí Chadhain agus ceiliúradh agus comóradh a dhéanamh ar an bhfear.

Cóilín Ó Neachtain, Tuairisceoir.

Thánathas ar lonnaíocht sa Lioppa sa Spidéal a cheaptar go raibh ann 8,000 bliain roimh Chríost. Tá Oifig na nOibreacha Poiblí leis an suíomh a fhiosrú. Chuaigh Cóilín Ó Neachtain chun breathnú ar an suíomh agus labhair sé le roinnt de mhuintir na háite faoi. Labhair sé le Seán Ó Coisdealbha, Michael Gibbons agus Jimmy Keady.

Iris Aniar: Dé Luain 03 Feabhra 2020.

Cóilín Ó Neachtain - Lonnaíocht sa Spidéal a raibh ann 8,000 bliain RC:Micheál Ó Conghaile - Imeachtaí á eagrú chun athscrúdú a dhéanamh ar scríbhneoireacht Mháirtín Uí Chadhain:Colm de Buitléar - Na Sé Naisiún tosaithe ar an deireadh seachtaine:Seosamh Ó Cualáin - Aisteoirí an Bhaile Nua ag cur dhá dhráma ar stáitse.

Dé Máirt 28 Eanáir

Angela Bourke, Ollamh Emerita Léann na Gaeilge, UCD.

Beidh caint á tabhairt ag Angela sa Leabharlann Náisiúnta ar an scéalaí as Loch Conaortha, Seán Éadbhaird Ó Briain. ‘The Finest Storyteller I have ever met’.

Marc Mac Lochlainn, Branar.

Tá an comhlacht drámaíochta ‘Branar’ ag cur seó mór ar stáitse in Aerfort na Gaillimhe i mí Márta.

Darach Ó Tuairisg, Fíbín

Tá Fíbín ag lorg léirithe spéise ó dhaoine a mbeadh suim acu caifé a oscailt san ionad atá acu ar an Tulach.

Fergus Mac Suibhne, An Fód Dubh.

Beidh cruinniú in óstán an Broadhaven i mBéal an Mhuirthead san oíche amárach mar gheall ar dhrochstaid an bhóthair idir Bhéal an Mhuirthead agus an Fód Dubh i Maigh Eo.

Iris Aniar: Dé Máirt 28 Eanáir 2020.

Fergus Mac Suibhne - Drochstaid an bhóthair idir Bhéal an Mhuirthead agus an Fód Dubh:Darach Ó Tuairisg - Fíbín ag lorg daoine a mbeadh suim acu caifé a oscailt san ionad atá acu:Marc Mac Lochlainn - ‘Branar’ ag cur seó mór ar stáitse in Aerfort na Gaillimhe:Angela Bourke - An scéalaí as Loch Conaortha, Seán Éadbhaird Ó Briain.

Dé Luain 27 Eanáir

Bríd Ní Chonghóile, Gaillimh le Gaeilge.

Seolfar Gradam Sheosaimh Uí Ógartaigh go hoifigiúil amárach.

How to Get this Podcast

  1. Download and Install Podcast Software

    You will have to download and install software to be able to subscribe to podcasts, and download the latest shows. There are a number of freely downloadable programmes that allow you to access podcasts. Some of the most popular applications are iTunes, Juice and Doppler, for a list of more options go to www.podcastingnews.com. RTÉ is not resposible for the content of external websites or applications.

  2. Subscribe to this Podcast

    Copy the URL from below or from the address bar of this page and then insert it into your podcast software, look for an ADD or SUBSCRIBE option and follow the instructions. URL: Your software will automatically inform you of any new editions to the podcast without the need to subscribe again. If you have iTunes installed you can use this One Click Subscription.

  3. Listen to your podcast

    The podcast will be downloaded in mp3 format or mp4 if it's video, once the download is fully complete you can simply listen to or watch the programme on your computer, or transfer the file to a portable device (mp3 player, iPod etc) and listen to it at your convenience.

Twitter

Facebook

Sonraí teagmhála

irisaniar@rte.ie

1850 665522
+353 91 506677

51553

80889 ó Thuaisceart Éireann. Cuir RNAG ag tús na teachtaireachta.

Láithreoir/Presenter: Fionnuala Uí Neachtain
Léiritheoir/Producer:  Treasa Bhreathnach

Sceideal

Bealaí gur féidir éisteacht

Radio
Fón Póca
Idirlíon
Seinnteoir Raidió
Podchraoltaí
Teilifís