Tá trí fholúntas againn do Chlár Reachtairí i gCeannáras RTÉ Raidió na Gaeltachta i gCasla.  Is postanna lán-aimseartha iad: dhá cheann ar chonradh leanúnach agus ceann eile ar chonradh dhá bhliain.  

I measc na ndualgas a bheidh ar an gClár Reachtaire, beidh:

• Taighde, léiriú agus láithriú ar chláir agus feasacháin i réimsí éagsúla. 
   
• Cóip nuachta a scríobh, a aistriú agus eagarthóireacht a dhéanamh orthu.
   
• Agallaimh agus píosaí fuaime a thaifead sa stiúideo agus ar láithreacha seachtracha eile.
   
• Eagarthóireacht a dhéanamh ar phíosaí fuaime atá réamhthaifeadta.
   
• Cabhair a thabhairt do sheirbhísí eile de chuid RTÉ de réir mar is gá.
   

Tá muid ag lorg daoine le:

• Gaeilge den scoth, idir scríobh agus labhairt.
   
• Tuiscint faoi leith ar shaol chultúrtha agus polaitíochta na tíre, ar phobal na Gaeilge agus na Gaeltachta. 
   
• Eolas maith ar chúrsaí reatha agus nuachta, cúrsaí spóirt, cultúr, siamsaíocht agus ceol
   
• Breith stuama eagarthóireachta
   
• Scileanna craoltóireachta/iriseoireachta
   
• Scileanna eagrúcháin agus cumarsáide den scoth agus atá in ann a bheith ag obair as a stuaim féin nó mar chuid d’fhoireann léiriúcháin.
   
• Eolas maith ar na meáin shóisialta agus éirim i gcúrsaí teicneolaíochta.
   
• Taithí i scéalta a fhorbairt, a scríobh agus eagarthóireacht a dhéanamh orthu
   
• Suim agus eolas acu faoin tseirbhís a chuireann RTÉ Raidió na Gaeltachta ar fáil don phobal.

Beidh solúbthacht agus uaireanta neamhrialta i gceist sa dá ról, an deireadh seachtaine agus laethanta saoire poiblí san áireamh.  D’fhéadfadh sé go mbeadh taisteal i gceist ó am go chéile ag brath ar na dualgais oibre. Mar chuid den phróiseas roghnaithe beidh agallamh, measúnú agus tástálacha micreafóin.

Is buntáiste é taithí craoltóireachta a bheith ag duine. 

Is í an Ghaeilge teanga oibre agus craoltóireachta na seirbhíse.

Scála Pá:  €47,298 - €63,377 comhlán in aghaidh na bliana.

Iarrtar ar iarrthóirí Curriculum Vitae a chur ar aghaidh chomh maith le litir chumhdaigh – ní mór an dá cháipéis a bheith i nGaeilge, agus mar chomhad amháin mar chuid den chóras iarratais ar líne. 

Is é an spriocdháta i gcomhair iarratas ná Dé hAoine, an 15 Feabhra 2019, ag a 5 i.n.

Cuirtear isteach ar an bpost ag an nasc seo agus tá breis eolais le fáil ansin freisin.