Tugadh fear 32 bliain d'aois os comhair Chúirt Dúiche Luimnigh inniu agus é cúisithe i bhfear a dhúnmharú sa chathair cúig bliana déag ó shin.
Fuarthas corp Lee Slattery, a bhí 25 bliain d'aois, ar eastát Theach Delmege gar do Mhaigh Rois i dtuaisceart na cathrach i mí na Bealtaine 2010.
Is é Kurt Ryan as Páirc Chlíona i Maigh Rois an té atá cúisithe ina dhúnmharú.
Tugadh le fios sa chúirt inniu nach ndúirt Kurt Ryan aon ní nuair a cuireadh an cion ina leith.
Cuireadh an cúisí siar faoi choinneáil agus tabharfar é os comhair na cúirte arís ar nasc físe Dé Máirt seo chugainn.
Nuacht agus Cúrsaí Reatha RTÉ
