Tugadh fear 29 bliain d'aois os comhair cúirte maidir le bás a athar i Mullach Íde i dtuaisceart Bhaile Átha Cliath inné.
Tugadh Stephane Benz a bhfuil seoladh aige i bPlásóg Gainsborough os comhair suí speisialta de Chúirt Dúiche Bhaile Átha Cliath ag am lóin inniu.
Gabhadh inné é tar éis ionsai marfach ar Url Benz ag teach i bPlásóg Gainsborough thart ar a 8.30 maidin inné.
Bhásaigh Url Benz a bhí ina chuid seascaidí, ar an láthair.
Thug an Bleachtaire Garda Alan Roche ó Stáisiún Gardaí Mhullach Íde le fios don chúirt nár fhreagair Stephane Benz é nuair a cúisíodh é i ndúnmharú a athar i Stáisiún na Cúlóige ar maidin.
Ní dhearnadh aon iarratas ar bhannaí de bharr gur cúis dúnmharfa atá i gceist.
Chuir an Breitheamh Máire Conneely Stephane Benz siar faoi choinneáil chuig príosún Chnoc na Seamar áit a dtiocfaidh sé os comhair cúirte arís Dé Céadaoine seo chugainn.
Cheadaigh an breitheamh iarratas ón dhlíodóir cosanta Michael O'Connor go ndéanfaí measúnú síciatrach ar a chliant.
Níor labhair Stephane Benz le linn na héisteachta.
