Tá fear sna daichidí gafa ag na Gardaí mar chuid d'fhiosrúchán atá ar bun acu maidir le teileafóin phóca ghóchumtha a bheith á soláthar.
Gabhadh an fear inné agus tá sé á choinneáil i stáisiún Gardaí i mBaile Átha Cliath.
Ina cheann sin, tá ceithre chuntas bainc déag calctha ag na Gardaí agus tá €143,245 in airgead tirim coigistithe acu.
Dar leis na Gardaí go bhfuil comhlacht amháin thart ar €10 milliún caillteach de bharr fóin phóca ghóchumtha a bheith á ndíol go neamhdhleathach.
Is é Aonad um Choireacht Maoin Intleachtúil an Gharda Síochána atá i mbun an fhiosrúcháin.
Is rannóg é an t-aonad sin den Bhiúró Náisiúnta um Imscrúdú Coiriúil.
Nuacht agus Cúrsaí Reatha RTÉ
