Tá stailc lae ar bun ag oibrithe tógála atá ina mbaill den cheardchumann Unite ag láithreacha áirithe tógála i mBaile Átha Claith, Luimneach, Corcaigh agus Cill Dara.
Aighneas idir Unite agus an MEBSCA, an cumann atá ionadaíoch ar chonraitheoirí tógála agus innealltóireachta, é seo.
Tá pluimbéirí, feisteoirí, táthairí agus printísigh bainteach sa ghníomhaíocht thionsclaíoch seo agus tá obair do chomhlachtaí móra ar nós Intel, Diageo, Eli Lilly, Analog agus BSL san aireamh sna láithreacha stailce.
Ar meánoíche a thosaigh an stailc.
Athbhunú ar íocaíocht i leith an chéad uair a chloig d'am taistil na n-oibrithe atá ón lucht stailce, agus vótáil formhór mór na mball ar son na stailce nuair a chlis ar chainteanna idir Unite agus MEBSCA.
Ciorradh an íocaíocht taistil seo tar éís an chliseadh eacnamaíochta i 2008, a deir Unite, ach bhí sé in aimn is bheith athbhreithnithe tar éis bliana.
Deir MEBSCA go bhfuil an íocaíoch i leith an chéad uair a chloig d'am taistil clúdaithe ó 2011 sna ghnáthrátaí uaire, de bhun chomhaontú le Unite. Deir an cumann gurb é an toradh a bhí ar an leasú seo gur ardaigh na rátaí uaire, rud a d'fhág go raibh an pá as ragobair nó saoire níos airde.
Deir MEBSCA freisin go bhfuil Unite ag iarraidh an íocaíocht níos airde ó 2011 a choinneáil agus dul siar ar chomhaontú 2011 ag an am céanna.
Leanfaidh Unite, a deir siad, lena thuilleadh stailceanna mura mbeidh tairiscint fónta ó MEBSCA agus beidh tuilleadh láithreacha i gceist.
Deir Tom Fitzgerald, eagraí de chuid Unite nár abhunaíodh ciorruithe ó 2011/2012 in ainneoin a ndícheall bheith déanta ag lucht na cheardumainn maidir leis an gCúirt Oibreachais agus an gCoimisiún um Chaidreamh san Áit Oirbre.
Ní raibh aon rogha eile ag oibrithe, a dúirt sé, ach a gcuid saothair a tharraingt siar.
