Tugadh fear 47 bliain d'aois os comhair Chúirt Dúiche Dhún Dealgan i gCo Lú inniu agus é cúisithe i mbean 81 bliain a dhúnmharú.
Sin é Nicholas Muckian as Coill an Ghleanna i nDún Dealgan a raibh sé curtha ina leith cheana gur ionsaigh sé triúr ban agus go ndearna sé díobháil dóibh i gCoill an Ghleanna ar an 3 Bealtaine 2024.
Bhí sé cúisithe freisin ar an gceathrú duine a imeaglú le tua.
Ó bhásaigh duine den triúr ban ó shin, dúradh sa chúirt inniu go raibh Nicholas Muckian cúisithe ina dúnmharú anois.
Bhásaigh Patricia 'Pat' Muckian san ospidéal i mBaile Átha Cliath deich lá i ndiaidh an ionsaithe.
Cuireadh Nicholas Muckian siar faoi choinneáil go ceann seachtaine.
Nuacht agus Cúrsaí Reatha RTÉ
