Bean as Co.Mhaigh Eo an chéad Éireannach riamh a ghabhfas amach sa spás.
Má fhágann Dia slán an Dochtúir Norah Patten, tá sé i gceist go mbeadh sí ar fhoireann idirnáisiúnta a dhéanfas an turas sin i 2026.
Tá an bhean seo, as Béal an Átha ó dhúchas ag obair le comhlacht innealtóireachta Realtra Space sa Chúlóg i mBaile Átha Cliath.
Beidh sí féin agus beirt thaighdeoirí eile, bean óna Stáit Aontaithe agus bean ó Chaenada le tabhairt faoin turas ar spásárthach Delta de chuid Virgin Galactic.
Is ar mhaithe leis an taighde atá ar bun i dtaca le maireachtáil sa spás atá an turas seo á thabhairt.
Tá tacaíocht airgid faighte aige ó infheisteoirí agus lucht urraíochta.
