Tá fear sna tríochaidí gafa ag na gardaí maidir le bás fir eile i gCo.Bhaile Átha Cliath go moch ar maidin inniu.
Glaodh amach ar ghardaí agus na seirbhísí éigeandála chuig eastát tithíochta Bhealach Choill Hampton i gceantar Fhionnghlais go gairid tar éis mheánoíche.
Tháinig siad ansin ar an bhfear 51 bliain d'aois agus é ina luí ar an talamh.
Ba léir go raibh sé sáite roinnt mhaith babhtaí.
Bhásaigh sé in Ospidéal an Mater níos deireanaí.
Tá an fear a gabhadh á choinneáil faoi Alt 4 den Acht um Chionta in aghaidh an Stáit.
Tá láthair an ionsaithe á scrúdú faoi láthair.
Cuirfear scrúdú iarbháis ar chorp an fhir níos deireanaí inniu.
