Tá sé tugtha le fios ag cathaoirleach RTÉ Terence O'Rourke go bhfuil an eagraíocht ag cuimhneamh ar íocaíocht iomarcaíochta de €400,000 a thabhairt do dhuine amháin.
Tháinig an scéal chun solais agus an cathaoirleach á cheistiú ag an Teachta Dála Brendan Griffin ó Fhine Gael ag éisteacht de Chomhchoiste um Meáin an Oireachtais tráthnóna inniu.
Níor thug Terence O'Rourke aon eolas eile faoin duine a bhí i gceist ach dúirt nach raibh bailchríoch curtha ar an socrú fós.
Dhearbhaigh sé gur cuireadh an próiseas sa siúl roinnt míonna ó shin agus dúirt go raibh a fhios ag Aire na Meán Catherine Martin faoi.
Dúirt Brendan Griffin, áfach, nach mbeadh an pobal róshásta faoi.
"Tuigim é sin", arsa Terence O'Rourke.
Nuacht agus Cúrsaí Reatha RTÉ
