Tá tús curtha ag píolótaí in Aer Lingus ar baill iad de Chumann Píolótaí Aerlínte na hÉireann, le vóta maidir le gníomhaíocht thionsclaíoch ar cheist a gcuid pá.
Inniu a cuireadh tús leis an vótáil agus tiocfaidh deireadh leis seachtain ó inniu.
Tá ceardchumann na bpíolótaí ag moladh dá mbaill vótáil ar shon gníomhaíocht thionsclaíoch, a bhféadfadh scailc a bheith ina chuid de.
Níos luaithe an tseachtain seo vótáil formhór mór na ball diúltú do mholadh na Cúirte Oibreachais leis an aighneas pá a réiteach.
Mhol an chúirt go mbronnfaí arduithe pá ionann le 9.25% ar na píolótaí mar shocrú eatramhach.
Méadú de 23.8% a bhí á eileamh ag na píolótaí.
