Maraíodh bean sna caogaidí mar gheall ar thimpiste bóthair a bhí i gCo Mhaigh Eo go gairid roimh mheán lae inniu.
Bhí an bhean ag tiomáint ceann de thrí ghluaisteán a bhuail faoina chéile ar bhóthar an N17 i mBaile an Daighin in aice le Clár Chlainne Mhuiris.
Tugadh an bheirt a bhí ag tiomáint an dá ghluaisteán eile chun an ospidéil ach deirtear nach bhfuil a mbeatha i mbaol.
Tá na Gardaí ag achainí ar aon duine a chonaic ar tharla nó a mbeadh íomhánna ábhartha ó cheamara deaise acu teacht chun cainte leo.
Is iad na Gardaí i gClár Chlainne Mhuiris atá ag fiosrú na tubaiste.
73 duine atá maraithe i dtionóiscí bóthair sa Stát ó thús bliana, le hais 61 san achar céanna anuraidh.
Nuacht agus Cúrsaí Reatha RTÉ
