Tá bean aosta a hionsaíodh agus a gortaíodh go dona i nDún Dealgan i gCo Lú ar an 3 Bealtaine tar éis bháis.
Bhásaigh Patricia 'Pat' Muckian, a bhí sna hochtóidí, in ospidéal i mBaile Átha Cliath inné.
hIonsaíodh í féin agus beirt bhan eile, atá sna daichidí agus sna seachtóidí, in eastát Choill an Ghleanna i nDún Dealgan.
Dé Céadaoin seo caite, tugadh fear 47 bliain d'aois os comhair cúirte maidir leis an ionsaí.
Cúisíodh Nicholas Muckian as Coill an Ghleanna in ionsaí a dhéanamh ar an triúr ban agus i ndíobháil a dhéanamh dóibh.
Cúisíodh é freisin i nduine eile a imeaglú le tua.
Cuireadh siar faoi choinneáil é agus tá sé le teacht os comhair cúirte arís amárach.
Nuacht agus Cúrsaí Reatha RTÉ
