Tá fear sna tríochaidí gafa ag na Gardaí tar éis do ghluaisteán fear a leagan agus a ghortú go dona i gCluain Maine i dtuaisceart Chontae Dhún na nGall go moch ar maidin inné.
Níor stop an gluaisteán i ndiaidh na heachtra.
Fear sna seascaidí atá sa té a leagadh agus deirtear go bhfuil sé go han-dona tinn san ospidéal.
Is ar an tSráid Mhór i gCluain Maine ag thart ar 12.15 ar maidin Dé Domhnaigh a tharla an eachtra.
Tugadh an fear a gortaíodh go hOspidéal na hOllscoile i Leitir Ceanainn ar an gcéad ásc ach aistríodh é ina dhiaidh sin go hOspidéal Beaumont i mBaile Átha Cliath.
Tá an fear a gabhadh faoin eachtra á cheistiú i stáisiún Gardaí i nDún na nGall.
Nuacht agus Cúrsaí Reatha RTÉ
