Ócáid bhliantúil anois í agus ghlac na mílte páirt arís sa tsiúlóid ar a dtugtar 'I dtreo an tSóláis' (Darkness into Light) le breacadh an lae inniu.
Bhí an ócáid ar bun anseo agus i dtíortha eile ar fud an domhain mhóir.
Bailítear airgead ar mhaithe le seirbhísí a thugann cabhair do dhaoine atá go mór in ísle brí agus atá ag smaoineamh lámh a chur ina mbás féin.
Bhí an bailiúchán ba mhó daoine in Éirinn i bPáirc an Fhionnuisce,Baile Átha Cliath agus chuir siad tús leis an gcoisíocht ag a 4 a chlog ar maidin.
Suas le 10,000 duine a bhí páirteach ansin agus shiúil nó rith siad an 5 chiliméadar sula bhfacthas an ghrian ag bun na spéire.
