Tá an comhlacht cógaisíocha AstraZeneca tar éis an vacsaín Covid-19 a dhéanaidís a tharraingt siar ón margadh domhanda.
Dúirt AstraZeneca go bhfuil farasbarr vacsaíní níos forbartha ann ó tháinig deireadh leis an bpaindéim agus gur ar chúiseanna tráchtála a rinne siad an cinneadh a vacsaín féin – Vaxzevria – a tharraingt siar.
Dhearbhaigh an comhlacht nach bhfuil an t-éileamh céanna anois ar Vaxzevria agus a bhíodh agus go bhfuil siad éirithe as an vacsaín a dhéanamh agus a sholáthar cheana féin.
Maíonn AstraZeneca gur shábháil an vascaín beatha 6.5 milliún duine sa chéad bhliain i ndiaidh dóibh é a chur ar an margadh.
Tuairiscítear go bhfuil sé admhaithe i gcáipéisí dlíthiúla ag an gcomhlacht, áfach, go bhféadfadh téachtadh fola agus fo-iarsmaí nach é teacht ar dhaoine a chaitheann an vacsaín, cé gur fíorannamh é.
Nuacht agus Cúrsaí Reatha RTÉ
