Deir ceannaire Pháirtí an Lucht Oibre,Ivana Bacik gur olc an scéal é gur fágadh roinnt iarrthóirí tearmainn d'uireasa lóistín arís aréir.
Dúirt sí i ráiteas a d'eisigh sí ar na meáin shóisialta gur léirigh sé seo teip iomlán i dtaca le polasaí Rialtais.
Ba i bpubaill i bpáirc ar thalamh eaglasta i nDroichead na Dothra i ndeisceart Bhaile Átha Cliath a chuir roinnt iarrthóirí tearmainn an oíche tharstu aréir.
Fuair siad cead ó úinéirí na talún ag Séipéal Naomh Muire an oíche a chaitheamh ansin.
Inné, dúradh le roinnt fear ag Oifig Seirbhísí Lóistín d'Iarrthóirí Tearmainn Idirnáisiúnta nach mbeifí ábalta aon lóistín a chur ar fáil dóibh ag an tráth seo.
