Tugadh fear os comhair cúirte inniu agus é cúisithe in ionsaí a dhéanamh ar bhean aosta in ionad altranais i gCo na hIarmhí arú aréir.
Sin é Peter Keaney, 54 bliain d'aois, as Fearann na Manach, Baile Átha Luain, a bhfuil sé curtha ina leith gur ionsaigh sé an bhean in Ionad Altranais Sonas ar Bhóthar Bhaile Uí Mhatháin i mBaile Átha Luain agus go ndearna sé díobháil di.
I gCúirt Dúiche Bhaile Átha Luain inniu, tugadh le fios nach raibh iarratas ar bhannaí á dhéanamh ag an gcúisí faoi láthair agus d'iarr na Gardaí é a chur siar faoi choinneáil.
D'iarr aturnae Peter Keaney go ndéanfaí measúnú síciatrach ar a chliant.
Cheadaigh an Breitheamh Bernadette Owens an t-iarratas sin agus chuir sí an cúisí siar faoi choineáil go ceann seachtaine.
Nuacht agus Cúrsaí Reatha RTÉ
