Tá fear thart ar 35 bliain d'aois tar éis bháis san ospidéal de bharr an ionsaithe a d’fhulaing sé ag an deireadh seachtaine i gCluain Dolcáin i mBaile Átha Cliath.
Os comhair theach cónaithe i Radharc na Gráinsí a hionsaíodh é go gairid tar éis a 10 a chlog san oíche Dé Sathairn.
Deir na Gardaí go bhfuil siad ag feitheamh ar thorthaí an scrúduithe iarbháis le treoir a thabhairt don fhiosrúchán.
Níl éinne gafa agus tá siad ag lorg cúnamh an phobail, go háirid ó aon nduine a bhí ar Bhus a 13 as Cluain Dolcáin idir a 9 agus a 10 Dé Sathairn.
Iarrtar ar dhaoine glaoch ar Stáisiún Chluain Dolcáin ar 01 666 7600 nó ar 1800 666 111.
