Tá bean sna tríochaidí tar éis bháis i dtimpiste bóthair i gCo.Thiobraid Árann.
Dhá charr a bhuail faoina chéile aréir ar bhóthar an N24 idir Cluain Meala agus Carraig na Siúire ba chúis leis an timpiste.
Tharla an taisme thart ar a 10 a chlog lámh le Cill Síoláin.
Bhí an bhean a bhásaigh ina paisinéir i gceann de na gluaisteáin.
Tugadh an ceathrar eile a bhí sa timpiste chuig an ospidéal.
Tuigtear nach bhfuil aon bhaol orthusan.
Tá na gardaí i mbun fiosraithe agus ag lorg eolais ón bpobal.
