San Afraic Theas, tá an t-iar lúthchleasaí Oilimpeach, Oscar Pistorius saortha ón bpríosún.
Bhí sé ag cur a théarma isteach ó ciontaíodh é i lámhach Reeva Steenkamp, an cailín a raibh sé mór léi ag a theach cónaithe i Pretoria i 2013.
Á chosaint féin sa chúis ag an am, dúirt Pistorius (37) gur cheap sé gur duine éigin eile a bhí ag iarraidh briseadh isteach ina theach agus gur scaoil sé urchair leis le teann imní agus faitís.
Ciontaíodh é áfach sa marú agus gearradh téarma príosúin air.
Scaoilte saor ar pharúil atá Pistorius agus beidh coinníollacha áirithe le comhlíonadh aige.
