Tá príosún saoil gearrtha ar Yousef Palani ar dhúnmharú Aidan Moffitt agus Michael Snee i Sligeach.
Gearadh 20 bliain príosúin freisin air as Anthony Burke a ionsaí.
Ó mhí an Aibreáin 2022 a churfar i bhfeidhm an pionós ar Yousef Palani.
Ó gabhadh an t-am sin é tá sé faoi choinneáil.
Bhíodh sé ina chónaí in Arda Markievicz i mbaile Shligigh. San Iaráic a rugadh é ach tá sé in Éirinn ó bhí sé 6 bliana d'aois.
Léiríodh sa gcúirt gur fuath ar fhir aeracha a spreag Yousef Palani.
Baineadh an cloigeann de dhuine de na fir. Sáthadh 43 uair é.
Sáthadh an fear eile a maraíodh 25 uair, sa gcloigeann, san muineál agus sa gcliabhrach den chuid is mó.
Chaill an tríú fear leathshúil nuair a sháigh Palani é.
Tugadh fianaise sa gcúirt go ndeachaigh sé sa tóir ar fhir aeracha ina gcónaí astu féin. Tugadh fianaise go raibh dúil aisteach aige na fir a cheangailt le rópa.
Rug na Gardaí air tar éis dóibh foláireamh a chur amach ar aipeanna geana nuair a facthas é ar an aip sa gcomharsanacht achar gearr i ndiaidh d'ionsaí tarlú.
An té a hionsaíodh ach nár maraíodh a bhí in ann a thaispeáint do na Gardaí go raibh an té ba chúis lena fhágáil ar leathshúil ag baint leas as an aip i bhfoiscíocht 500 méadar den láthair nuair a maraíodh an dara fear.
Phléadáil Yousef Palani ciontach mí an Mheithimh i ndúnmharú Aidan Moffitt, an 10ú Aibreán anuraidh.
Phléadáil sé ciontach freisin i ndúnmharú Michael Snee, an 12ú.
Phléadáil sé ciontach chomh maith in ionsaí a dhéanamh ar Anthony Burke, fear leithchéad bliain d'aois, an 9ú Aibrean.
