Bhí slua i láthair ar bhruach Loch nEathach i dTuaisceart Éireann inniu ag éileamh go ndéanfaí gnímh chun dul i ngleic leis an truailliú ansin.
Tá an loch truaillithe go h-olc le halgae gorm glas.
Deir lucht feachtais gur droch-bhainistiú ar an loch feadh na mblianta is cúis leis an bhfadhb ollmhór seo.
Is í Loch nEathach atá suite in oirthuaisceart an oileáin agus fáiscthe istigh idir 5 chontae ó thuaidh den teorainn an loch is mó úruisce in Éirinn agus sa Bhreatain.
Sileann 42% den uisce ar bharr talún i dTuaisceart Éireann isteach i Loch nEathach ag áit éigin.
Tá 6 mhórabhainn ag rith isteach sa Loch, agus loch amháin a shníonn amach aisti ag tabhairt uisce léi go farraige.
