Fear á cheistiú ag Gardaí faoi dhúnmharú mná i gCiarraí anuraidh

Tá fear sna caogaidí a gabhadh cheana gafa an athuair ag Gardaí a bhfuil dúnmharú mná 75 bliain d'aois i gCo Chiarraí anuraidh á fhiosrú acu.

Fuarthas corp Miriam Burns ina teach cónaithe in Ard Seanbhuaile, Cill Airne, ar an 15 Lúnasa 2022.

Bás de bharr a hionsaithe a fuair sí.

Gabhadh an fear i gcathair Chorcaí ar maidin inniu agus tá sé á cheistiú i gceann de na stáisiúin Ghardaí sa chathair.

Is féidir é a choinneáil ar feadh ceithre huaire fichead.

Tuigtear gur gabhadh an fear a chéaduair an lá tar éis do chomharsana le Miriam Burns teacht ar a corp.

Nuacht agus Cúrsaí Reatha RTÉ