Chuir Tomás Ó Síocháin tús inniu lena théarma ina Phríomhfheidhmeannach ar Údarás na Gaeltachta.

Tagann Tomás Ó Síocháin i gcomharbacht ar Mhicheál Ó hÉanaigh a bhí sa ról sin roimhe.

Tháinig deireadh le tréimhse Uí Éanaigh i mí Lúnasa.

Ó Chontae an Chláir ó dhúchas, chaith Tomás Ó Síocháin ceithre mbliana ina Phríomhfheidhmeannach ar Choimisiún Forbartha an Iarthair.

Bhí rólanna bainistíochta aige in Ollscoil na Gaillimhe roimhe seo.

Ag an gcruinniú deiridh den bhliain seo de chuid Bhord Údarás na Gaeltachta a chuir Tomás Ó Síochán tús inniu lena sheal oibre ansin mar phríomhfheidhmeannach.

Ceadaíodh infheistíocht i dtograí a chuirfidh go suntasach leis an bhfostaíocht i gcontaetha na Gaillimhe, Dhún na nGall, Mhaigh Eo agus Chiarraí inniu.

Tá na postanna nua á gcruthú in earnálacha na déantúsaíochta, an chlosamhairc, i dtionscail na bia agus dí, agus i dtionscail na bhfearas leighis, i measc earnálacha eile.