D'éirigh le Corcaigh ard-thaispeántas a thabhairt ina gcluiche i gcoinne Thiobraid Árann i nDúrlas Éile i gCraobh Iomána na Mumhan agus a chinntiú go bhfanann siad sa chomórtas craoibhe.
Tá an dá chluiche deiridh atá imeartha acu sa chraobh buaite anois ag Corcaigh agus is cinnte go mbeidh dóthain le déanamh ag pé foireann a thagann ina gcoinne sa gcluiche ceathrú ceannais.
Tá an Clár agus Luimneach in aghaidh a chéile sa chluiche craoibhe de Chraobh na Mumhan.
Tá Tiobraid Árann agus Port Láirge curtha amach as an gcomórtas craoibhe.
I gCúige Laighean is iad Gaillimh agus Cill Chainnigh a bheidh sa chluiche ceannais ansin.
D'éirigh le Gaillimh Baile Átha Cliath a bhualadh inné i bPáirc an Phiarsaigh i mBóthar na Trá.
Bhí bua ag Loch Garman ar Chill Chainnigh.
Chinntigh sin an 3ú háit i gCiorcal na Spideoige do fhoireann na gCarmánach.
