Tá an tUachtarán Michael D HIggins i ndiaidh a chomhghairdeas a chur in iúl don dornálaí clúiteach Éireannach,Katie Taylor.
Fuair Taylor an ceann is fearr ar a céille comhraic, Amanda Serrano, sa bhabhta dornálaíochta i Madison Square Garden aréir.
Fágann bua na hoíche aréir sa Chraobh Éadrom Mheáchan Domhanda gurb í bean Chill Mhantáin an seaimpín i gcónaí.
I dteachtaireacht ón Uachtarán Higgins dúirt sé léi go raibh 'gaisce mór eile déanta agat i do ghairm ollmhór'.
Tá a chairdeas curtha in iúl freisin ag an Taoiseach,Micheál Martin.
Bhí an chosúlacht aréir air ar feadh tamaill nach ag Katie Taylor a bheadh an bua, agus í ag fáil a dóthain le déanamh fanacht ar a cosa sa 5ú babhta.
Ach léirigh sí teacht aniar ar leith ina dhiaidh sin leis an troid a bhuachan ar phointí agus bean Phuerto Rico a chloí.
Bhí moltóir amháin a bhronn an troid ar Serrano, ach thaobhaigh an bheirt eile le Taylor.
Ba í aréir an chéad uair riamh a raibh troid idir beirt bhan ar an bpríomhimeacht sa gcró dornálaíochta iomráiteach sin i Nua Eabhrac,Madison Square Garden.
