Maraíodh 45 duine ar a laghad, dáréag paistí ina measc, nuair a chuaigh bus trí thine in iarthar na Bulgáire.

Tharla an tubaiste go moch ar maidin ar mhórbhealach thart ar 40 ciliméadar ó dheas ón bpríomhchathair Sóifia.

Ní fíos fós cad ba chúis leis an dóiteán.

Dúirt urlabhraí na bpóilíní mar gheall gur maraíodh an tiománaí nach raibh aon duine in ann doras an bhus a oscailt.

Amach na fuinneoga a chuaigh na daoine a thug na cosa leo, a dúirt sé.

Bhí 52 paisinéir ar an mbus, a dúirt sé, agus bhí dáréag den 45 duine a cailleadh faoi ocht mbliana déag.

Tuigtear gur daoine de bhunadh na Macadóine Thuaidh, na hAlbáine agus na Seirbia a bhí i bhformhór na marbh.

Bhí an bus ag taisteal idir Iostanbúl sa Tuirc agus Scóipé sa Mhacadóin Thuaidh nuair a tharla an tubaiste.