Tá ómós tughtha go folreathan don fhile agus údar Brendan Kennelly atá tar éis bháis in aois a chúig bliana agus ceithre scór.

Bhí sé tinn le tamall agus cailleadh é inné in ionad altranais i Lios Tuathail, Co Chiarraí, mar a raibh cónaí air le dhá bhliain.

D'fhill Brendan Kennelly ar a bhaile dúcháis, Béal Átha Longfoirt, in Oireacht Uí Chonchúir cúig bliana ó shin tar éis dó na blianta fada a chaitheamh mar scoláire sinsearach i gColáiste na Tríonóide, Baile Átha Cliath.

Ollamh le Nua-Litríocht i Scoil an Bhéarla san ollscoil a bhí ann.

Fear so-ranna cuideachtúil ab ea é a roinneadh a chuid eolais leis an bpobal i gcló agus ar na meáin chraolta agus ba mhinic a bhealach nádúrtha tuisceanach ardú meanman a thabhairt don té a mbeadh sé uaidh in am an ghátair, idir an t-éan corr agus an céilíoch.

Foilíodh os cionn 30 cnuasach filíochta leis i gcaitheamh na mblianta agus bronnadh an draoi gradam air.

Dúirt an tUachtarán Michael D Higgins said go raibh an-ghean ag an bpobal ar an gCionnaolach.

B'fhile é Brendan Kennelly, a duirt an tUachtarán, a chuir a léargas ar an saol in iúl ar bhealach, deisbhéalach, mealltach agus spreacúil.

Maireann a dheartháireacha Alan, Paddy agus Kevin, a dheirfiúracha Mary Kenny agus Nancy Mcauliffe agus a thriúr garpháistí. Cailleadh a iníon Doodle anuraidh.