Bhásaigh beirt fhear agus bean de bharr a mbáite in áiteanna éagsúla sa tír inné.

Báthadh bean sna fichidí i Loch Eala in aice Loch Gamhna, Co an Chabháin, ag thart ar 9.30 aréir.

Tuigtear gur báthadh í agus í ag iarraidh teacht i gcabhair ar leanbh a bhí san uisce.

Cuireadh fios ar na seirbhísí éigeandála agus fuair siad corp na mná sa loch go gairid ina dhiaidh sin.

Tá scrúdú iarbháis le déanamh ar a corp in Ospidéal Mhuire san Uaimh inniu.

Báthadh fear sna seachtóidí i Loch Aillionn, Co Liatroma, ag thart ar 9 a chlog aréir.

Bhí an fear ag snorcláil i gCuan Dhoire na hInse in aice le Droim Caorthainn ag an am.

Fuair na seirbhísí éigeandála corp an fhir go luath ina dhiaidh sin.

Tuigtear go raibh an fear ar saoire sa cheantar.

Déanfar scrúdú iarbháis ar a chorp in Ospidéal na hOllscoile, Sligeach, inniu.

Bhásaigh fear eile de bharr a bháite i gCo Fhear Manach.

Bhí an fear 55 bliain ag snámh i Loch Meilbhe ag thart ar 10 a chlog ar maidin inné.

Thug na seirbhís éigeandála as an uisce é ach cailleadh é go gairid ina dhiaidh sin.