Gearradh téarma príosúin ar bheirt fhear ón bhuíon coiriúlachta Kinahan as a gcuid iarrachtaí Patrick Hutch a dhúnmharú breis agus dhá bhliain go leith ó shin i mBaile Átha Cliath.
Gearradh téarma príosúin deich mbliana ar Patrick Curtis (38) ó Phlás Seville agus gearradh téarma príosún seach mbliana go leith ar Mohammed Smew (27) as Bóthar na Seanabhann faoina bpáirt sa phlean le Patrick Hutch a mharú in Márta, 2018.
Dúirt an Breitheamh Tony Hunt go raibh an bheirt fhear mar chuid de fho-aonad i mbuíon coiriúlachta Kinahan a bunaíodh le Patrick Hutch a mharú.
Bhí sé socraithe ag an fho-aonad coiriúlachta go raibh Patrick Hutch le mealladh óna theach, go raibh sé le scaoileadh i gcarrchlós faoi thalamh ar Shráid Ghairdinéir. Bhí na gunnadóirí le héalú go dtí an Phort Thoir, a ngluaisteán éalaithe a dhó, dul trí thollán coisithe, áit a mbeadh carr ag fanacht orthu.
Fágann breithiúnas na Cúirte Coiriúlachta Speisialta go bhfuil naonúr ó bhuíon coiriúlachta Kinahan i bpríosún as iarracht a dhéanamh Patrick Hutch a dhúnmharú.
Maraíodh 18 san aighneas idir an dhá bhuíon coiriúlachta go dtí seo.
