Tá soiléiriú tugtha ag Ard-Stiúrthóir Chónaidhm Thionscal na Foirgníochta, Tom Parlon, ar an méid a dúirt sé os comhair an Choiste Dála Ar Chovid 19 dé Máirt. Dúirt sé an tráth sin go dtiocfadh ardú 40% ar an gcostas a bhaineann le foirgnímh mhóra a thógáil agus go dtiocfadh ardú 5-10% ar an gcostas a bhaineann le teach a thógáil.

Ach dúirt sé inniu nach raibh sé ag iarraidh a thabhairt le fios go dtiocfadh ardú chomh hard riamh le 40% ar thogra mór a chur i gcrích.

Dúirt sé gurbh éard a bhí i gceist aige ná go dtiocfadh laghdú 40% ar tháirgiúlacht na dtógálaithe i gcásanna áirithe, dá mbéidís ag obair faoi shrianta diana. Ach, a dúirt sé, beidh gach duine ag obair go dian sa tionscal le táirgiúlacht a mhéadú.