Tá craoltóir aitheanta RTÉ Larry Gogan tar éis bháis. Bhí sé 81 bliain d'aois.
Chaith Larry Gogan beagnach 60 bliain ag craoltóireacht agus is mar gheall ar a chuid oibre mar dhioscmharcach ar Raidió RTÉ, go háirithe 2FM, is mó a bhí aithne air.
Chaith sé 40 bliain ag déanamh na hoibre sin sula ndeachaigh sé go dtí an stáisiún RTÉ Gold anuraidh.
An lá deiridh a raibh sé ag obair ar 2FM, athraíodh ainm an stáisiúin go dtí Larry Gogan FM don lá mar aitheantas ar a chuid oibre.
Dúirt ceannasaí 2FM Dan Healy gurbh é Larry Gogan an dioscmharcach ab fhearr a bhí riamh ann, go raibh glór álainn aige, go raibh ceangal aige leis an lucht éisteachta agus go raibh grá aige don cheol.
Dúirt Ard-Stiúrthóir RTÉ Dee Forbes gur "fíorfhoras náisiúnta" a bhí i Larry Gogan.
Dúirt an tUachtarán Michael D Higgins go raibh tionchar an-mhór aige ar chúrsaí ceoil sa tír seo.
Bhásaigh bean chéile Larry - Florrie - sa bhliain 2002. Maireann a gcúigear clainne - Gerard, Orla, Gráinne, David agus Sinéad.
