Fógraíodh inniu go mbronnfar Gradam Shéamuis Mhic Géidigh 2019 ar an bpeileadóir Ciarán Thompson.

Peileadóir idirchontae é Thompson agus is é an captaein é freisin ar Naomh Conaill.

As na Gleanntaí dó, agus tá sé i mbun staidéir faoi láthair ar chúrsa spóirt agus aclaíochta in Institiúid Teicneolaíochta Leitir Ceanainn.

Bronntar Gradam Shéamuis Mhic Géidigh gach bliain ar imreoir na craoibhe i gCo.Dhún na nGall.

Cailleadh an craoltóir sin i 2016, fear a raibh aithne ar leith air as feabhas a chuid tráchtaireachta ar chluichí CLG.

Thionscain RTÉ Raidió na Gaeltachta an gradam seo ina onóir.

Is ag Dinnéar Bliantúil CLG Dhún na nGall Dé Sathairn seo chugainn a bhronnfar an gradam ar an imreoir.