Tá Sorcha Ní Chéilleachair, craoltóir le Raidió na Gaeltachta, ceaptha ina ceannasaí ar Thuismitheoirí na Gaeltachta. As Rinn Ó gCuanach i nGaeltacht na nDéise ó dhúchas di.  

Tá sí ag cur fúithi ar an gCeathrú Rua i nGaeltacht Chonamara le fada, áit a bhfuil a clann á tógáil aici agus ag a fear céile Colm Mac Donnacha.  

Bunaíodh Tuismitheoirí na Gaeltachta seacht mbliain ó shin. Fógraíodh anuraidh deontas breis is €1m thar thréimhse 3 bliana don eagraíocht Tuismitheoirí na Gaeltachta, a bhfuil sé de chúram orthu tacú le teaghlaigh Ghaeltachta atá ag iarraidh a leanaí a thógáil trí Ghaeilge.