Tá súil ag an bhfondúireacht atá ag iarraidh athchóiriú a dhéanamh ar stáisiún cábla Dhairbhre i gCo Chiarraí macasamhail den trealamh a húsáideadh ann a fháil ón dream ar leo an stáisiún cábla i dTalamh an Éisc.
Leagadh an chéad chábla cumarsáide trasatlantach idir an dá staisiún in 1866. An tseachtain seo chugainn i nDairbhre, seolfar Comóradh 150 bliain an éachta.
In agallamh ar RTÉ Raidió na Gaeltachta inniu, dúirt Micheál Ó Laighin ó bhord fondúireachta an stáisiúin go raibh suas le 200 duine ag obair ansin ag amanna éagsúla go dtí gur cuireadh deireadh leis an tseirbhís i 1966.
