Dúirt an Teachta Dála Ciarán Lynch, an Cathaoirleach atá ar an bhfiosrúchán baincéireachta go bhfuil súil aige go mbeidh leagan tuarascála déanta an deireadh seachtaine seo.

Féadfar é ansin a chur faoi bhráid chomhairle dlí  a dúirt sé.

Dúirt teachta an Lucht Oibre áfach go ngabhfaidh sé rite leis an gcoiste tuarascáil iomlán a bheith foilsithe faoin spriocdháta ar an 28ú Eanáir,2016.

Dúirt sé gur dócha go gcaithfí leanacht i mbun oibre i gcaitheamh thréimhse na Nollag.

Tá baill an choiste baincéireachta i mbun cruinnithe arís inniu agus iad ag iarraidh dréacht-thuarascáil a chur le chéile.

Tuigtear go bhfuil dréacht-mholtaí agus achoimriú scaipthe i measc na mball.

Tá an tuarascáil á plé ag na baill óna 3 a' chlog inniu.

Tuigtear go leanfar leis an bplé go dtí déanach anocht.