Damhsa & Gluaiseacht

Tugtar aclaíocht chardashoithíoch , nó cardio go hachomair , ar aon aclaíocht a n-ardaíonn do ráta croí, a chabhraíonn don fhuil bheith ag pumpáil níos tapúla thart timpeall ar do chorp iomlán.

In aineoinn nach bhfuil muid ag imirt an oiread spóirt nó ag dul amach chomh minic agus gur mhaith linn, tá neart bealaí ann chun a bheith gníomhach le linn na géarchéime seo chun do chroí a choinneáil folláin. 

Inniu thaispeáin an Múinteoir Clíona dúinn roinnt aclaíochtaí simplí cardashoithíocha agus gluaiseachtaí damhsa chun tú a chur ag gluaiseacht sa bhaile. Seo duit arís iad: 

Téigh ó cheann ceann 

Cuir do dhá cos trasna ar a chéile agus oscail arís iad. 

Léim Trasna na hAbhann

Léim ó thaobh go taobh

Seac Léimní

 Sín amach do lámha agus cosa i dtreo na dtaobh cosúil le crosóg mhara agus tú ag léim, agus ansin fág do lámha ar ais le do thaobh agus dírigh na cosa arís i ndiaidh duit tuirlingt.

Glúine Arda

Rith ar an spota, ag ardú do ghlúine go dtí airde do bhásta.  Sín amach do lámha agus déan iarracht iad a bhualadh le do ghlúine. Coinnigh crochta go hard iad!

Ag Máirseáil ar an Spota

An Tochras

Ciorclaigh do lámha timpeall ar a chéile agus tú ag cromadh síos an bealach ar fad agus ar ais arís. 

Ag Bogshodar / Ag Ráibeáil ar an Spota

Aghaidh a thabhairt ar na Spéartha

Sín do lámh suas os cionn do chinn chomh fada agus is féidir, ansin athraigh lámha.

 Anois tá a fhios agat na gluaiseachtaí, cuir an ceol ar siúl agus bíodh do chroí ag pumpáil! 

Agus nuair atá tú críochnaithe tá sé tábhachtach ath-hiodráitiú láithreach le roinnt uisce.   

Cuirigí grianghraif chugainn don méid atá déanta agaibh.  Iarraigí ar bhur dtuismitheoirí cabhrú leat iad a sheoladh chugainn.

Cén fáth an gcaithfidh muid uisce a ól? 

 Céard atá i gcoiteann agatsa, ag bláthanna agus ag cangarú? An bhfuil tú ag tabhairt isteach? Tá uisce ag teastáil uaibh uilig. Tá uisce ag teastáil ó aon rud atá beo chun maireachtáil, cuma má fhaigheann muid ó sconna é, ón gcré nó ó billabong.

Ní féidir le daoine maireachtáil níos mó ná cúpla lá gan uisce mar go dteastaíonn sé ó na cealla ar fad sa chorp chun gur féidir leis feidhmiú.   

Toisc go n-imíonn a lán uisce ó do chorp trí a bheith ag análú, ag cur allais agus díleá, tá sé tábhachtach ath-hiodráitiú trí shreabháin a ól agus beatha a ithe a bhfuil uisce ann.  

Féach ar an bpictiúr agus féach ar an méid uisce atá i gcuid mhór de na baill is tábhachtaigh den cholainn.  Ní fhéadfadh aon cheann acu feidhmiú dá uireasa.

Mar shampla – I do chuid fola, ar uisce atá in 85% dó, iompraítear ocsaigin go dtí na cealla ar fad i do chorp. Gan uisce ní fhéadfaí ocsaigin a iompar, ansin gheobhfadh na cealla beaga bás, agus stopfadh do chorp ag feidhmiú.

Déanann uisce cinnte nach mbíonn tú ag róthéamh. Don chuid is mó tá allas déanta as uisce. 

Tá uisce ag teastáil uait le bia a dhíleá, cothaithigh a ghlacadh isteach agus fáil réidh le camras. Tá uisce ag teastáil do na súlaigh dhíleácha, fual agus cac. 

In aineoinn gur chóir duit an chuid is mó don uisce atá ag teastáil ó do chorp a fháil ó sreabháin ar nós uisce agus bainne, is féidir le do chorp uisce a fháil freisin ón mbeatha a itheann tú.  Tá neart uisce i dtorthaí agus glasraí, agus sin cúis eile gur chóir go leor acu a ithe!

Uisce le Casadh! 

Ceapann roinnt daoine go bhfuil uisce saghas leadránach agus ólann siad deochanna ansin nach bhfuil sláintiúil, cosúil le deochanna shúilíneacha nó siúcraithe.  Mar sin, cén fáth nach bhféachann muid ar roinnt slite chun uisce le blasanna mealltacha a dhéanamh. 

Cuir torthaí leis: Tá torthaí citris go hiontach chun blas a chur ar uisce m.sh líomóidí, líomaí agus oráistí.  Nó d'fhéadfá roinnt sútha craobh brúite a úsáid, nó mealbhacán uisce, nó slisíní sú talún.  

Cuir beagán sú úr leis: Tá sé i bhfad níos fearr sú a chur le huisce seachas gloine mór sú a ól leis féin. Is féidir lena lán siúcra a bheith i sú.. 

Cuir luibheanna leis: Tá miontas agus basal go hálainn measctha le torthaí chun deoch a dhéanamh.  I measc na meascán is fearr  tá - cúcamar, líomóid, agus miontas (oideas thíos) nó sú talún, líoma agus basal. 

Cuir oighear leis: Tá daoine ann a m’bhfearr leo uisce fuaraithe a ól seachas uisce atá ag teocht an tseomra.  Is féidir ciúbanna oighir a dhéanamh as blasanna éagsúla m.sh cuir sú, luibheanna, cúcamar, nó caora isteach san uisce i do thráidire ciúb oighir agus cuir sa reoiteoir iad. Cuirfidh na ciúbanna oighir blas deas ar do chuid uisce  

Oideas: Uisce ar Bogadh le Cúcamar, Líomóid agus Miontas

Bealach blasta le fanacht fuar agus hiodráitithe!

 Comhábhair

  •  Líomóid, gearrtha go tanaí
  • Cúcamar, craiceann bainte de agus gearrtha go tanaí
  • Thart ar 2 lítear uisce
  • 12 duilleoga miontais

Modh 

Cuir na comhábhair ar fad i gcrúiscín mór nó crúsca agus fág é sa chuisneoir thar oíche.  Tóg amach an sean líomóid, cúcamar agus miontas agus cuir chun boird é le duilleog miontas nó dhó. Bain sult as!  

Aimsigh do Bhealach chuig Croí Sona

Cuirigí grianghraif chugainn don méid atá déanta agaibh.  Iarraigí ar bhur dtuismitheoirí cabhrú leat iad a sheoladh chugainn.