Cuirfear tús anocht le sraith a dó den chlár Cuan an Cheoil, sraith ina gcloiseann muid Liam Ó Maonlaí ag comhrá agus ag casadh ceoil le haíonna difriúla gach seachtain.

Pléann siad nithe éagsúla, ó chúrsaí ceoil, go cúrsaí an tsaoil go ginearálta. Is í an veidhleadóir Aoife Ní Bhriain a bheas ina chuideachta don chéad chlár inniu.

Rugadh agus tógadh Aoife i mBaile Átha Cliath, ach thug an ceol ar fud na cruinne í ó shin. Tá go leor duaiseanna náisiúnta agus idirnáisiúnta buaite aici don cheol clasaiceach agus don cheol traidisiúnta. Beidh sí i mbun comhrá agus ceoil le Liam tráthnóna.

Féach siar ar chlár ón tsraith dheireanach leis an bhfidléir, Colm Mac Con Iomaire.

We need your consent to load this YouTube contentWe use YouTube to manage extra content that can set cookies on your device and collect data about your activity. Please review their details and accept them to load the content.Manage Preferences

Beidh an clár seo le feiceáil ar líne freisin, ar mheáin shóisialta RTÉ RnaG, agus ar rte.ie/gaeilge. Seo léiriú de chuid Stiúideo Cuan, maoinithe ag Údarás Craolacháin na hÉireann leis an Táille Ceadúnais Teilifíse.