Rinne Áine Ní Ghlinn léirmheas ar an leabhar Tinte na Farraige Duibhe le Tim Armstong a d'aistrigh Eoin P. Ó Murchú, ar an gclár Tús Áite ar RTÉ Raidió na Gaeltachta.

Ba i nGaeilge na hAlban a scríobhadh an leabhar seo an chéad lá agus a aistríodh go Gaeilge é ó shin. Leabhar é seo a shuíonn sa seánra 'ficsean eolaíochta' é seo, rud nach dtarlaíonn rómhinic i nGaeilge agus deir Áine gur leabhar 'ana-spéisiúil' atá ann agus go bhfuil ganntanas leabhar sa seánra seo sa Ghaeilge.

We need your consent to load this rte-player contentWe use rte-player to manage extra content that can set cookies on your device and collect data about your activity. Please review their details and accept them to load the content.Manage Preferences


D'éirigh go hiontach leis an aistriúchán ó Ghaeilge na hAlban go Gaeilge na hÉireann, a deir Ní Ghlinn ach deir sí go bhfuil sí in amhras faoin lucht léitheoireachta seo ach go síleann sí go n-oirfeadh sé do dhaoine fásta mar gheall ar an gcaint garbh atá ann.

D'ardaigh Áine an cheist mhór maidir leis an líon leabhar atá á léamh ag daoine óga lasmuigh den seomra ranga, mar go gceapann sí go mbeadh an leabhar seo ar fheabhas dóibh siúd a bhfuil spéis acu sa seánra seo.

Éist le Tús Áite ar RTÉ Raidió na Gaeltachta ón Luan go hAoine idir 5 agus 6.