Labhair Muireann Nic Amhlaoibh le Helen Ní Shé ar An Saol Ó Dheas ar RTÉ Raidió na Gaeltachta maidir lena hainmniúcháin do dhá ghradam ag na RTÉ Radio One Folk Awards a bheidh ar siúl ar an 25 Deireadh Fómhair in Vicar Street.

Deir Muireann nach raibh sí ag súil le haon ainmniúchán agus nach duine í a thaitníonn iomaíocht léi ach go bhfuil sé go deas a bheith i measc siúd atá ar dhá ghearrliosta, ceoltóir na bliana i dteannta Iarla Ó Lionáird, Radie Peat, Declan O'Rourke agus Lisa O'Neill agus traic na bliana do Bhean Dubh a' Ghleanna.

We need your consent to load this YouTube contentWe use YouTube to manage extra content that can set cookies on your device and collect data about your activity. Please review their details and accept them to load the content.Manage Preferences

Tá Muireann anois níos compordaí ag ceol i nGaeilge ná i mBéarla mar go bhfuil sí den tuairim go bhfuil 'go bhfuil sí chomh ceolmhar mar theanga'. Síleann sí go mbaineann sin leis an áit a bhfuil sí ag cur fuithí anois agus í timpeallaithe ag an teanga, níos mó ná mar a bhí sí agus í i Luimneach agus Baile Átha Cliath. 

Beidh na RTÉ Radio One Folk Awards ar siúl in Vicar St ar an 25 Deireadh Fómhair.

Craoltar An Saol Ó Dheas ar RTÉ Raidió na Gaeltachta idir 12.08 agus 1.00 ón Luan go hAoine.