Ó Chill Chainnigh do Peter Lawlor, ógfhear atá ag cumadh ceoil álainn house faoin ainm Replete le blianta beaga anuas.  

Thug sé faoi cheol leictreónach a chumadh nuair a chaith sé samhradh ina chónaí i Toronto agus dhein sé a chéard a mhúnlú nuair a chaith sé seal i gcathair Chorcaí, áit a d’aimsigh sé céim sa cheol is sa teicneolaíocht.

Seo port mall, hiopnóiseach, le córdaí ná beadh ait ar phort snag-cheoil is dord-líne ramhar ag plubarnaíl tríd, le guth baineann ag éirí is ag ísliú ar nós tuilleadh is trá na taoide. Ar bhealach is fuaim chlaiscieach í seo, fuaim - a bhraithim -  ná beadh as áit ar cheann de na h-albaim is breátha house dá bhfuil ann, ‘Forevernevermore’ le Moodymann.

Replete

Cuireann Cian Ó Cíobháin An Taobh Tuathail i láthair ar RTÉ Raidió na Gaeltachta.