Amhránaithe Chorca Dhuibhne le cloisteáil ar albam nua

Dé hAoine, 2 Bealtaine, seolfaidh Ceannaire RTÉ Raidió na Gaeltachta, Edel Ní Chuireáin, an dlúthdhiosca nua Dúthaigh Dhuibhneach: Amhránaithe Chorca Dhuibhne ó Chartlann RTÉ Raidió na Gaeltachta

Amhráin thraidisiúnta ó Chorca Dhuibhne atá le cloisteáil ar an albam seo, a thaifead foireann an Raidió ó 1972 anuas sna paróistí éagsúla laistiar de bhaile an Daingin.  Tá ar an ndlúthdhiosca seo blaiseadh de scoth na n-amhránaithe dúchasacha ó Iarthar Duibhneach, a rinne foireann an Raidió taifead orthu ó thús na seachtóidí.

Rinneadh formhór na n-amhrán a thaifead gan aon réamh-chleachtadh. Cloistear iontu leaganacha áitiúla d'amhráin mhóra, ar nós Róisín Dubh agus Na Connerys, amhráin eile a bhí coitianta sa cheantar ach ná cloistear puinn a thuilleadh ar nós Príosún Chluain Meala, agus amhráin eile fós ná cloiseadh puinn riamh lasmuigh de bhailte fearainn áirithe, mar atá Barra an Ghlinn Aird ó Chom Dhineoil. Cloistear iontu chomh maith saibhreas teanga gan sárú, agus léargas iontach atá sa bhailiúchán ar chanúint Chorca Dhuibhne.

1. Oileán Dhún an Óir - Tomás Dainín Ó Sé
2. Barra an Ghlinn Aird - Tomás Ó Dála
3. Fáilte na Maighdine - Cáit Bheit de Mórdha
4. Róisín Dubh - Tadhg Ó Flatharta
5. Na Filí - Tom Mhaurice Ó Súilleabháin
6. Na Connerys - Maidhc Ó Gairbhia
7. An Saighdiúirín Singil - Eoghan Mór Ó Catháin
8. Jimmy Mo Mhíle Stór - Nell Ní Chatháin
9. Raca Breá mo Chinn - Muiris 'Gog' Ó Catháin
10. Príosún Chluain Meala - Páid Pheats Pheaid Ó Muircheartaigh
11. Éamon Mhágáine - Tomás Ó Loingsigh
12. Sean Ó Gormáin i Meiriceá  - Maidhc Mharthain Mac Gearailt, 
13. Ar Éirinn Ní Neosfainn Cé Hí - Eibhlís 'Liza' Mistéal
14. An Draighneán Donn - Peait 'ac Cearailt
15. Ag Gabháil trí Bhleá Cliath Dhom - Tony Ó Muircheartaigh,
16. An Seanduine - Peig Bn. Mhic Gearailt
17. Réidhchnoc Mná Duibhe - Micil Ó Catháin
18. Mary in the Woods - Mairéad Ghineá

Tá fáil ar an albam sa Chaifé Liteartha sa Daingean 066 915 2204.  

_____________________________________________

A new CD of songs from Corca Dhuibhne, collected by RTÉ Raidió na Gaeltachta, will be launched on Friday.  Edel Ní Chuireáin, Ceannaire, RTÉ Raidió na Gaeltachta, will launch Dúthaigh Dhuibhneach: Amhránaithe Chorca Dhuibhne ó Chartlann RTÉ Raidió na Gaeltachta on Friday in Tigh Uí Chatháin, Baile an Fheirtéaraigh.  

Scéal is mó Suim

Nua ar Líne

Sceideal Féach sceideal