Comórtas Peile na Gaeltachta 2013

Beidh Comórtas Peile na Gaeltachta ar siúl i nGaeltacht na nDéise i gCo. Phort Láirge ó 31 Bealtaine go 3 Meitheamh, agus súil le 10,000 cuairteoir thar an deireadh seachtaine, agus beidh muid ansin i gcroílár na féile don deireadh seachtaine.

Beidh foireann Na Rinne agus seaimpíní na bliana seo caite, Gaoth Dobhair, ag imirt sa chomórtas sinsir, agus feicfear Cill tSéadhna, An Cheathrú Rua, An Ghaeltacht agus foirne as Corcaigh agus Dún na nGall sa chomórtas sinsir freisin.

9 bhfoireann a bheidh ag imirt sa chomórtas sóisir, orthu sin a bheidh sa tóir ar Chorn Ghaeil Linn beidh seaimpíní Dhún na nGall, Gaeil Fhanada, seaimpíní Mhaigh Eo, Cill Chomáin, seaimpíní na Gaillimhe, Oileáin Árann, ionadaithe Chiarraí, Lios Póil, ionadaithe Phort Láirge, An Sean Phobal, chomh maith le Laochra Loch Laoi agus Na Gaeil Óga.

Beidh muid ag craoladh ó Pháirc Uí Shíocháin sa Rinn, ón Sean Phobal agus ó Pháirc Dhún Garbhán ó 10.30 maidin Dé Sathairn go dtí go mbuailtear an chic deiridh ar an liathróid tráthnóna Dé Luain.  Coinnigh cluas le Raidió na Gaeltachta don aicsean ar fad.

_____________________________________

The Comórtas Peile na Gaeltachta annual football tournament takes place in the Waterford Gaeltacht this weekend, and we will be there, broadcasting all the action all weekend. Teams from Gaeltacht areas all over the country will be competing, and up to 10,000 visitors are expected for the festival.  Tune in from 10.30 am Saturday morning, and stay with us for all the action until Monday evening.

Scéal is mó Suim

Nua ar Líne

Sceideal Féach sceideal