Tá ceapúchán Hildegarde Naughton chun an tSeanaid ag an Taoiseach cáinte ag roinnt seandadóirí

Dé Céadaoin 04 Meán Fómhair 2013 16.20
Conspóid faoi Sheanadóir Nua

Cé gur fearadh failte roimh an Seanadóir Hildegarde Naughton inniu, dúirt roinnt seanadóirí go raibh iontas orthu gurbh í a bhí roghnaithe ag an Taoiseach mar chomharba ar Mhartin McAleese, a d'éirigh as a shuíochán tar éis fhoilsiú a thuarascála ar na hionaid níochána Maigdiléine.

D'fháiltigh an Seanadóir Fidelema Healy-Eames roimh an gceapúchán, ach deir sí gur chuir an ceapúchán iontas uirithi faoi gur teachtaireacht láidir ón Taoiseach é nach bhfuil áít ann do vóta de réir coinsiasa ar rud chomh tromchúiseach leis an nginmhilleadh.

Cuireadh an seanadóir Healy Eames amach as páírtí pairliminte Fhine Gael nuair a vótáíl sí in aghaidh an Bhille um Chosaint na Beatha i rith Toirchis. Bhí an bheirt sheanadóirí ina n-iarrthóirí san olltoghchán i 2011.

Dúirt an Seanadóir Brian Ó Domhnaill ó Fhianna Fail go mba ghilc an mhaise don Taoiseach, Naughton a cheapadh chuig foras a bhí sé a iarraidh a chur de dhroim seoil.

Bhí súil ag an seanadóir neamhspleách Seán Barrett, a dúirt sé, go mbeadh HIldegarde Naughton na blianta fada sa Seanad.

Idir an dá linn, dhiúltaigh Young FIne Gael tacú le plean an pháirtí an Seanad a dhíothú. Níor vótáil móramh d'fheidhmeannacht náisiúnta chraobh óige an pháirtí ar son rún a d'fhéach le deireadh a chur leis an Seanad.


Vóta rúnda a bhí ann, agus anois tá Young Fine Gael le seasamh neodrach a ghlacadh ar an reifreann ar thodhchaí an tSeanaid.

Beidh cead a gcinn ar baill Young Fine Gael tacú lena rogha taobh den bhfeachtas.